APELA NI MAGGIE SA ADULTERY CASE NA ISINAMPA SA KANYA NI VICTOR, TABLADO

ni Maricon Nolasco @MarisPluk | September 13, 2023

Ibinahagi ng former beauty queen-social media personality na si Maggie Wilson sa kanyang Instagram ang naging desisyon ng Department of Justice o DOJ na ibasura ang kanyang hirit na "motion for reconsideration" tungkol sa kasong adultery na kinakaharap niya ngayon na isinampa ng kanyang estranged husband na si Victor Consunji na isang real estate magnate.

Nakasaad sa inilabas na resolution ng DOJ ang rason kung bakit 'denied' ang motion for reconsideration na inapela ng panig ni Maggie, at ito ay dahil wala umanong ibinigay na mga bagong ebidensiya ang panig ng former beauty queen-social media personality.

“The respondent-appellants failed to present any new evidence that had material and probative value to warrant the modification much less the reversal of the resolution. Clearly, the arguments raised by the respondents-appellants which includes but not limited to the alleged perjurious nature of the testimony of complainant’s witness are all matters of defense which will be best-ventilated in a full-blown trial,” ayon sa copy ng resolution ng DOJ na ipinost naman ni Maggie sa kanyang IG Stories.

Sa kabilang banda, ang naging basehan naman kung bakit nasampahan ng kasong adultery si Maggie pati ang kanyang rumored new boyfriend na si Tim Connor, “Several consistent Instagram posts in the account of both respondents wherein, in one way or another, they are complementing or showing to the public that they are in a relationship, unmindful of the fact that respondent WILSON is still legally married with the complainant.”

Mariing sinabi naman ni Maggie na nagdadalantao na raw si Rachel Carrasco, ang bagong partner ng kanyang estranged hubby na si Victor nang isampa nito ang kasong adultery laban sa kanilang dalawa ni Tim.

Bukod doon, inilantad din ng former beauty queen-social media personality sa kanyang IG Stories ang pangalan ng baby girl nina Victor at Rachel, na ayon sa kanya ay si “Vivienne Rache C. Consunji” na ipinanganak daw sa Singapore.

Kaya ang sigaw ni Maggie, "You have to ask yourselves, how does this baby daughter carry the Consunji surname? As far as I know, she is not my daughter and we are still married?”

Hanggang ngayon ay hindi pa rin napapawalang-bisa ang kasal ng dating mag-asawa.

Kaya ang hirit ni Maggie, “And yes, to my disdain, I am STILL married and I STILL carry his last name.”

Umani naman ng iba’t ibang reaksiyon mula sa mga netizens ang ibinahagi ni Maggie sa kanyang IG Stories tungkol sa pagbasura ng DOJ sa inapela niyang motion for reconsideration.

“Naku, denied. Sasabihin na naman na pera-pera. Uwi ka na kasi, Maggie, para maasikaso mo nang personal ‘yang problema mo.”

For sure, alam naman na ng lahat na hanggang ngayon ay hindi pa rin nakakauwi sa ‘Pinas ang former beauty queen-social media personality dahil itinuturing na nga siyang ‘fugitive’ rito.

“Wala talagang kuwenta ang justice system sa bansa natin. Money works, and justice is only for the wealthy people. Dito natin napatunayan na kahit mayaman ka, pero kung mas mayaman ang kalaban mo, kawawa ka rin. Like this case.”

“Clearly shows how corrupt our justice system is. I cannot blame Maggie and Tim why they use the leverage of social media. May karma rin ‘yang sina Victor and Rachel na ‘yan in the eyes of God, truth be told.”

“Hindi ko makuha ‘yung point ni Victor kung bakit niya pinapahirapan si Maggie, eh, siya naman ‘tong may anak sa ibang babae, ‘di ba? Magbati na lang sila, tutal naman, may kani-kanya na silang minamahal. Maliban na lung kung mahal pa ni Victor si Maggie kaya ayaw niyang makawala. Alang-alang na lang sana sa kanilang nag-iisang anak. ‘Yung bata kasi ang kawawa rito dahil siya ‘yung naaapektuhan sa labanan ng parents niya.”

“If ever Maggie and Tim win this case, it'll go down in history. Just imagine how powerful this movement would be kung maraming nagba-back sa kanila. This is woman's rights and kitang-kita talaga how unfair our justice system here in PH. Kahit ano pa talagang story nila, kung sino man ‘yung may mali, dapat talagang mabago or ma-update man lang ‘tong batas to be fair with the kababaihan.”

Haaaay! Nakakaloka naman ‘tong legal battles nina Maggie at Victor, parang wala talagang game na magparaya at magpatalo. Mukhang paramihan na lang ng connections at pera ang labanan dito, ‘di ba, mga Ka-BULGAR?!