Alamin: Presyo ng bulaklak sa Dangwa bago mag-Undas

ni Jasmin Joy Evangelista | October 26, 2021

In demand na ang mga bulaklak sa Dangwa Flower Market sa Maynila kasabay ng pagdami ng mga bumibisita sa mga sementeryo bago mag-Undas.

Nagsimula na ring tumaas ang presyo ng mga bulaklak.

Stargazer – P150 kada stem; dating P130

Anthurium- P700 kada bundle; dating P350

Angel's Breath - P250 kada bundle; dating P200

Pulang Rosas- P200 kada dosena

Puting Rosas - P150 kada dosena

Chrysanthemum- P300 kada dosena

Orchids- P600 kada bundle

Isa raw sa mga dahilan ng pagtaas ng presyo ng mga bulaklak ay ang pagtaas ng presyo ng produktong petrolyo kaya dagdag-gastos ito sa bayad sa delivery.

Sapat naman ang suplay ng bulaklak maliban sa rosas na nagkakaubusan na, ayon sa mga nagtitinda.

Posible rin umanong tumaas pa ang presyo ng bulaklak sa mga susunod na araw lalo’t inaasahang may mga hahabol pang dumalaw sa mga puntod ng kanilang mga yumaong mahal sa buhay hanggang sa Huwebes.