Aktor, lodi raw ng gold medalist… NETIZEN KAY COCO: TURUAN MO SI CARLOS NA MAGING MABUTING ANAK
- BULGAR
- Aug 29, 2024
- 2 min read
ni Beth Gelena @Bulgary| August 29, 2024
Bumisita si Carlos Yulo, ang two-time Olympic medalist, sa ABS-CBN kamakailan. Sa video, makikitang lumapit si Coco Martin sa table na kinauupuan ni Carlos kasama ang big bosses ng ABS-CBN.
Ang intention niya ay magpakuha ng larawan kasama si Caloy. Agad namang nakilala ni Caloy si Coco kaya agad itong tumayo para kamayan ang actor-director.
Pero agad na inabot ng actor ang kamay ng gold medalist at mabilis siyang nagmano rito, tanda ng pagbibigay-galang. Ganu’n din ang ginawa ni Caloy sa actor, saka niya sinabi kung puwede silang magpa-picture na dalawa.
Ang nakakatuwa, sinabi ni Coco na ang intensiyon nga raw niya ay magpakuha ng larawan sa gold medalist.
“Puwede pa-picture po?” ani Carlos.
“Hindi! Ako ‘yung magpapa-picture, eh,” sagot naman ni Coco na bida at direktor ng Batang Quiapo (BQ).
Nagkatawanan ang mga bossing na nandu'n. Ipinost ni Coco ang kuhang larawan nila ni Caloy.
“Congratulations at Mabuhay ka @c_edrielzxs!”
Komento ng mga netizens, “Sana, mapasok siya sa BQ, Direk Coco.”
“Two great Pinoys!”
“Direk, ipasok mo na s’ya sa BQ.”
May nagsabi namang, “Teach him how to be a good son.”
“Batang Quiapo meets batang Leveriza.”
Um-attand si Jericho Rosales sa 85th birthday party ni Pilita Corrales, ang lola ni Janine Gutierrez.
Ipinost ni Janine ang birthday video ng kanyang Mamita na Asia's Queen of Song.
“Happy birthday, Mamita!! So happy to celebrate with all the people who love you so much. Special thank you to our dearest @sirgaryvalenciano, tito @martinnievera, miss Dulce, and lolo @eddiegutierrez06 for serenading Mamita. Family is everything and I’m so grateful for the time we have together,” post ni Janine na pinusuan naman ni Echo.
Komento ng isang netizen, “Alagaan mong mabuti si Janine.”
Ang daming nag-comment na bagay ang dalawa.
May post din si John Nite, ang host ng event, sa kanyang Facebook (FB)account kung saan makikitang hinaharana ni Echo ng Change The World ang Asia’s Queen of Songs.
“It’s an honor to be here. I am going to sing a song for you, it's called Change The World because my mother sings your songs and Janine knows about this,” wika ni Echo bago kumanta.
Nag-react ang aktres sa gesture ng aktor, “Nakakatawa! Wala, s’yempre jamming na 'yun sa dulo. It was so nice. Intimate celebration lang, like family and close friends.
“First time rin naming makapag-party for Mamita, I think the last one was like 2018 pa, so she just turned 85. Sobrang grateful ko kasi sila Sir Gary (Valenciano), Tito Martin (Nievera), and Ms. Dulce performed for Mamita, at si Echo,” dagdag pa ni Janine.
Aniya pa, gagawa siya ng documentary film. Ipoprodyus niya ang buhay at career ng kanyang Mamita. Ito ang kanyang first project bilang producer, at excited na siyang gawin after niyang bumalik mula sa Venice International Film Festival dahil kasama ang movie niya with Lav Diaz, ang Phantosmia.
“We’ve been able to shoot some footage of her life, like itong birthday n’ya ngayon, and some snippets of her at home lang na normal day. Then ko-combine namin ‘yun with her archives from decades of her career.
“Tuloy pa rin after Venice, ‘yun naman po tatrabahuhin ko,” pagbabahagi ng Kapamilya actress.
Comments