After ng 2 girls… ANDI, NANGANAK NA NG BABY BOY!

Julie Bonifacio - @Winner | January 19, 2021

Nagsilang na si Andi Eigenmann ng malusog na baby boy kahapon, January 18.

Mabilis na kumalat sa social media ang panganganak ni Andi dahil sa Instagram post ng kanyang inang aktres na si Jaclyn Jose.

Nag-post si Jaclyn ng piktyur ni Andi at sa caption ng kanyang IG post ay binati niya ang anak.

"Congratulations, anak, for having a successful delivery to our newest member of the family. Bouncing healthy baby boy," pagbati ni Jaclyn kay Andi.

Pero habang tinitipa namin ang news item na ito tungkol sa panganganak ni Andi, nakapag-post na rin pala mismo ang bida ng dating fantaserye na Agua Bendita sa Kapamilya Network sa kanyang personal Instagram account.

"We did it again, papa! This journey was more of a breeze with you by my side. Thank you for being my rock! Because of you, my worries and fears go away. I love being your partner and going through this wonderful life, raising our kids with you. Glad I get to do this with you for life!" madamdaming mensahe ni Andi para kay Philmar.

Ilan sa mga celebrity friends na maagap na bumati kay Andi ay sina Liza Soberano, Bela Padilla, Saab Magalona, Jessy Mendiola, Momshie Melai Cantiveros, Nadia Montenegro and Sylvia Sanchez.

Binati rin si Andi ng sister niyang si Max Eigenmann at ng mga cousins na sina Ryan Eigenmann and Bianca Rogoff, anak ng aktres na si Cherie Gil sa musikerong si Roni Rogoff.

As of this writing, wala pang naipo-post ang newly-engaged and new parents again na sina Andi Eigenmann at Philmar Alipayo.

And after ng dalawang daughters na sina Ellie and Lilo, finally ay may baby boy na rin si Andi!

While the newborn ay pangalawang anak na lalaki ni Philmar and his third child.

Weeks ago ay namangha ang mga fans and followers ni Andi sa very unique underwater proposal ni Philmar sa kanya.

At ngayong nakapagsilang na si Andi, ang wedding naman ng mga 'Islanders' ang aabangan ng lahat. By that time, fit na fit na ang body ni Andi wearing her wedding gown.

Pero sabi naman ni Andi sa kanyang last post before she gave birth to her third child, hindi raw niya goal ang maibalik ang dating porma ng katawan niya.

"This time around, my focus is not on getting my old body back. Just on taking great care of it as a way to show gratitude for carrying and protecting the people that has showed me what I am destined to be - the honor of being their mom," sabi ni Andi.

Sobra raw na-enjoy ni Andi ang kanyang pagbubuntis. Isa raw itong napakagandang experience para sa kanya.

"This journey has taught me to love my body, to appreciate it and to believe in it so much more. As this journey comes to an end, another one begins," say pa ni Andi.

Ang saya lang ma-imagine that Andi and Philmar's wedding ay masasaksihan mismo ng kanilang mga anak including Ellie (Andi's daughter kay Jake Ejercito) and Philmar's eldest son from his ex-French wife.