Abangan sina My Prancealot at Magnificent Lady sa SLLP

ni Green Lantern - @Renda at Latigo | May 21, 2022

Markado ang stakes race campaigners na sina My Prancealot at Magnificent Lady sa Condition Race (10) na ilalarga sa San Lazaro Leisure Park sa Carmona, Cavite ngayong araw.

Matitikas sa mga regular at stakes races ang dalawang nabanggit na kabayo na sina My Prancealot at Magnificent Lady na rerendahan nina NC Lunar at Pabs Cabalejo ayon sa pagkakasunod sa karerang may distansiyang 1,400 meter race.

Ang ibang kalahok sa nasabing event na suportado ng Philippine Racing Commission (PHILRACOM) sa pamumuno ni chairman Reli De Leon ay sina Gomper Girl, The Accountant, Kid Baloloy, Hookbung Dagat, Victorious Colt at Golden Sunrise.

Komento ng mga karerista sa social media na posibleng maging mahigpit na karibal nina My Prancealot at Magnificent Lady ay sina Victorious Colt na sasakyan ni Oneal Cortez at Golden Sunrise na gagabayan ni star jockey Jeffril Zarate.

"Maiinam ang mga kasali kaya anybody's race 'tan," ani Chito De Jesus, veteran karerista.

Posibleng abangan din ng mga karerista ang bakbakan ng 7 batang kabayo sa 3-Year-Old & Above Maiden Race na ilalarga sa pangalawang karera.

Inaasahang magiging liyamado sa laban ang Thermodynamics na sasakyan ni jockey PJ Guce sa distansyang 1,400 meter race.

Makakalaban ni Thermodynamics sina Starsonfortyfive, Lady Susan, Pride Of Lubao, Gee's Favorite at magka-kuwadrang laughing Inside at Autumn Shower.

Samantala, 7 races ang pakakawalan ng Manila Jockey Club Inc. (MJCI) kaya tiyak na masisiyahan ang mga karerista sa kanilang paglilibang.

Mga Pili ni Green Lantern:

Race 1. Red Sole (5), Pharaoh's Queen (12), You Never Know/Ambisioso (3/3A)

Race 2. Thermodynamics (6), Pride Of Lubao (3)

Race 3. Surplus Boy (11), Aphrodite (3), Jean genie (1)

Race 4. Krugerrand (9), Medaglia D' Amor (6), Charm Bell (4)

Race 5. Run And Gun (7), Blind Item (6), Chesapeake Bay (2)

Race 6. My Prancealot (4), Golden Sunrise (8), Gomper Girl (1)

Race 7. Brightright (3), Innocare (14), Money For Shelltex (6)