5.7 magnitude na aftershock sa Surigao del Sur, naitala
- BULGAR
- Dec 5, 2023
- 1 min read
ni Eli San Miguel - Trainee @News | December 5, 2023
Naitala ng Philippine Institute of Volcanology and Seismology (Phivolcs) ang isang aftershock na may 5.7 magnitude sa ganap na alas-8:34 ng umaga ngayong Martes.
Ayon sa Phivolcs, isa itong aftershock ng lindol na may 6.8 magnitude na tumama sa Cagwait, Surigao del Sur noong Disyembre 4.
Natukoy ang sentro ng aftershock na 44 kilometro (km) sa hilaga-silangan ng Cagwait, Surigao del Sur, sa isang mababaw na lalim na 10 km.
Naramdaman ito sa Intensity IV sa Bayabas, Surigao del Sur, ayon sa Phivolcs.
Naitala rin ng kanilang mga instrumento ang pagyanig sa Intensity II sa City of Tandag, Surigao del Sur, at Intensity I sa City of Bislig, Surigao del Sur, at City of Cabadbaran, Agusan del Norte.
Comments