6.4 lindol yumanig sa Davao Occidental

ni Mai Ancheta @News | October 9, 2026

Photo: 6.4 magnitude earthquake - Phivolcs-DOST

Muli na namang tinamaan ng malakas na lindol ang Balut Island sa Sarangani, Davao Occidental matapos maitala ng Philippine Institute of Volcanology and Seismology ang magnitude 6.4 na lindol nitong Huwebes, alas-4:07 ng hapon.

Naramdaman ang lindol sa mga sumusunod na lugar:

Intensity IV

Alabel at Malapatan, Sarangani; Tboli at Lake Sebu, South Cotabato; General Santos City; Palimbang, Sultan Kudarat.

Intensity III

Kidapawan City, Cotabato; Digos City at Matanao, Davao del Sur; Sarangani, Jose Abad Santos, at Sta. Maria, Davao Occidental; Maitum, Sarangani; Banga, South Cotabato; Lebak, Sultan Kudarat.

Intensity II

Carmen, Mlang, at President Roxas, Cotabato; Davao City; Magsaysay, Davao del Sur; Maasim, Sarangani; Santo Nino, Surallah, at Norala, South Cotabato; President Quirino, Esperanza, Kalamansig, at Isulan, Sultan Kudarat.

Intensity I

Kalilangan, Bukidnon; Banisilan, Magpet, at Pikit, Cotabato; Nabunturan, Davao de Oro; Tantangan, South Cotabato

Ayon sa PHIVOLCS, ito ay aftershock pa rin ng magnitude 7.8 offshore Sarangani earthquake at magnitude 6.5 na offshore earthquake sa Davao Occidental noong Hunyo.

Wala pang impormasyon ang Phivolcs kung may mga nasaktan o nasugatan sa lindol at nagpapatuloy ang pangangalap ng impormasyon.

Cebu, hinahabol pa ang P19.28-B recovery sa lindol

by BRO @News | October 1, 2026

Photo: Courtesy Archdiocesan Shrine of Sta. Rosa de Lima

Isang taon matapos ang magnitude 6.9 na lindol sa hilagang Cebu, nagpapatuloy pa rin ang pagbangon ng mga apektadong lugar.

Ayon sa Provincial Disaster Risk Reduction and Management Office, may P19.28 bilyong pangangailangan para sa recovery ng 10 bayan at isang lungsod na tinamaan ng lindol noong Setyembre 30, 2025.

Nakapaglaan na ang Provincial Government ng P750 milyon bilang bahagi nito sa recovery program, habang inaasahang tutulong ang mga ahensiya ng national government sa kanilang mga proyekto.

Kabilang sa pinakamalaking pangangailangan ang P10.13 bilyon para sa social services, P2.83 bilyon para sa imprastraktura at P1.98 bilyon para sa mga sektor tulad ng turismo at negosyo.

Ayon sa provincial officials, halos 20% pa lamang ng pondo mula sa national government ang naibibigay.

6.4 lindol, yumanig sa Sarangani

ni Mai Ancheta @News | August 6, 2026

Photo: Phivolcs

Nakaranas ng malakas na lindol sa Sarangani at ilang bahagi ng Mindanao nitong alas-12:13 ng tanghali, Agosto 5, na naunang naitala sa lakas na magnitude 7, na ibinaba sa 6.4.

Ayon sa Philippine Institute of Volcanology and Seismology (Phivolcs), ang lindol ay tectonic at may lalim na 10 kilometro.

Ang lindol ay naramdaman sa iba't ibang bahagi ng Mindanao, partikular sa Sarangani, sa lakas na intensity 5.

Naramdaman ito sa lakas na intensity 4 sa Kiamba, Sarangani, General Santos City, Malungon at Alabel, Sarangani, Tupi at Polomolok sa South Cotabato.

Walang naitala ang Phivolcs na pinsala subalit aasahan ang aftershocks.

Hindi naglabas ng tsunami alert ang ahensiya.