3 days lang after ilabas… VIP TICKETS SA CONCERT NI ALDEN, SOLDOUT NA!

ni Nitz Miralles - @Bida | November 11, 2020

Masayang balita ni Alden Richards, almost sold-out na ang tiket sa kanyang virtual concert sa December 8 billed Alden’s Reality. Ilang linggo pa bago ang concert, kaya may time pa ang kanyang mga fans para bumili. In fact, ang tiket na lang sa General Admission ang natitira dahil ang VIP tickets, three days after ilabas ay nag-sold-out na.

Tuluy-tuloy na nga ang paghahanda sa first-ever virtual concert sa bansa at pangako ni Alden, hindi magsisisi ang mga bibili at manonood sa kanyang concert.

Si Paolo Valenciano ang director ng concert, his first project with Alden, at sabi nito sa Kapuso actor, “It really seems like he’s always looking for, you know, a new challenge. He’s always looking at how to improve himself as an artist, how to try different things, and I really enjoy working with artist who have that mindset.”

Dagdag pa ni Direk Paolo, “He thinks a lot about, you know, the process of putting something together, the rehearsals, the acting, the production. He clearly has done, he has gone through a lot in 10 years that he’s been in the industry.

“He’s gone through a lot and it seems like he learned so much. There were ups and downs, and when you talk to him, you can see... it’s very clear that he wants to apply a lot of things that he’s learned from the past, and there are certain things na you know, he wants to leave behind na and to just look forward.”

Si Christian Bautista naman ang line producer ng Alden’s Reality na excited din for Alden at sa bago niyang trabaho.

Pinahulaan na rin ang isa sa mga guests ni Alden sa kanyang virtual concert at ang hula ng marami, December Avenue ito, ang kumanta ng theme song ng Star Cinema movie na Hello, Love, Goodbye titled Kung ‘Di Rin Lang Ikaw.

Sa ginanap na Q&A sa Twitter, natanong si Alden kung ano ang nararamdaman sa darating niyang concert.

“Mixed emotions ako. Anxious, excited, nervous, pressured, lahat ‘yun, nararamdaman ko, pero mas ang feeling ng accomplishment, rewarding. Sa preparation naman, nakakapagod, pero worth it. Medyo mahirap lang dahil limited ang time sa preparation, pero kakayanin. In-align din namin sa protocols,” sagot ni Alden.

Sa December 8 na rin iri-release ni Alden ang bago niyang single na ini-record a few weeks ago. Hindi pa nito binanggit ang title at ang sabi lang, isa ito sa mga favorites niya, kaya excited siya.