ni Lolet Abania | August 14, 2022
Patay ang tatlong mountaineers at 12 na iba pa ang nasugatan matapos na mahulog ang mga ito habang umaakyat sa Carihuairazo volcano sa Ecuador, ayon sa rescue services nitong Sabado.
“A 47-year-old woman and two men aged 45 and 50 died in this emergency,” pahayag ng ECU911 rescue services sa isang statement.
“Due to weather conditions and nightfall, it was not possible to evacuate the bodies,” dagdag nito.
Ayon sa mga awtoridad ang 12 iba pang biktima, na nasa edad 39 hanggang 58, ay dinala na sa mga ospital sa mga bayan ng Riobamba at Ambato.
Batay sa ulat, ang mga climbers ay sinusubukang pumaituktok sa central Andean volcano nang mahulog sila ng 60 metro (196 feet).
Ang Carihuairazo ay isang 5,018-meter colossus sa lalawigan ng Tungurahua at kalapit ng Chimborazo volcano – ang highest peak sa naturang bansa na mahigit 6,200 metro.
Patuloy naman ang mga awtoridad sa isinasagawang recovery sa mga katawan ng mga nasawi, kung saan lahat sila ay Ecuadorians.