26-anyos na tambay, kulong sa baril

ni Maeng Santos @News | September 16, 2026

Photo: File

Isinelda ang 26-anyos na tambay nang manggulo at maghamon ng away habang armado ng baril sa Malabon City, kamakalawa ng gabi.

Nagpapatrulya ang mga tauhan ni NPD Director P/BGen. Benliner Capili sa Brgy. Longos nang lapitan sila ng isang concerned citizen upang isumbong ang suspek na si alyas Tuks.

Nang magtungo sa sinasabing lugar ang mga pulis, naaktuhan nila si “Tuks” na naghahamon ng away, hawak ang isang baril kaya maingat siyang nilapitan ng mga pulis saka kinalawit.

Nasamsam sa kanya ng mga tauhan ni PMaj. Brian Ramirez, Commander ng Malabon Police Sub-Station-5 ang isang improvised gun o sumpak na kargado ng isang bala ng kalibre .38.