Wingbanding ng WPC, sinimulan na pansagip sa gamefowl breeders

Kumilos ang liderato ng World Pitmasters Cup (WPC) upang malabanan ang bangis ng epekto ng COVID-19 pandemic sa buong industriya ng cockfighting at sagipin ang gamefowl breeders mula sa matinding pagkalugi.

Ang unang WPC wingbanding sa batangmanok panabong para sa 2020 National Stag Derbies ay opisyal nangsinimulan nitong Hunyo 15 at matatapos sa Hunyo 30.

Pakay ng programa na ibangon ang naapektuhang sport na cockfighting sa pamamagitan ng pagbibigay ng tsansa sa mga breeders na ilaban ang manusok nilang panabong ngayong taon sa lehitimong stag derbies na hosted at ipo-promote nina Charlie Ang, Mr. Gerry Ramos, Ako Bisaya Sonny Lagon, Eddiebong Plaza, Mr. RJ Mea at Eric dela Rosa.

Tatanggapin ang WPC-banded na batang manok sa stag derbies na may 100 member arenas ng United Association of Cockpit Owners and operators of the Philippines (UACOOP) at sa Master Breeders Cup Regional Derbies na gaganapin sa October hanggang Disyembre 2020 at sa iba’t ibang pangunahing siyudad sa buong bansa kung aaprubahan ngnational government agencies ang kanilang mga local government units.

Kung papayagan na ng gobyerno ang operasyon ng sabong ngayong taon, ang Pitmasters Group ay magho-host ng sponsor at magpo-promote ng kauna-unahang low pot money at may malaking premyo ng National Stag Derby na tatawaging Master Breeder’s Cup 12-Stag National Derby.

Para sa pot money na 5,500, ang entry owners ay may habambuhay na tsansang manalo ng minimum guaranteed prize na P50 milyon. Lahat ng entry fees na sosobra sa minimum guaranteed prize ay isasama sa total cash prize. Para sa inquiries sa nationwide WPC wingbanding schedules maaaring tawagan ang Gamefowl Affiliates of Pitmasters.