Cathedral HS, sinuspinde dahil nagka-virus ang training facility

Isang student football player ng Cathedral High School sa El Paso, Texas na nanggaling sa training facility ang nagpositibo sa coronavirus, dahilan para suspendihin ng paaralan ang mga athletic activities sa 14 na araw.

Inanunsiyo ito ng pamunuan ng paaralan, “Out of an abundance of caution, the training facility at Cathedral High School and all school athletic activities have been suspended for the recommended 14-day quarantine and disinfection period,” ayon kay Diocese spokesperson Fernie Ceniceros kahapon.

Ang mga magulang ng nakalarong bata ng estudyante, maging ang mga athletics staff ay inatasan nang sumailalim sa COVID-19 testing at magpa-self quarantine sa loob ng 14-days.

Nagka-COVID-19 ang student-athlete nang muling buksan ang pasilidad nitong nakaraang linggo sa ilalim ng guidelines ng University Interscholastic League, bagamat hindi naman pumapalya sa regular na sanitation process at lahat ng mga estudyante at staff ay naka-face mask, may social distancing at malimit ang pagsusuri sa temperatura ng mga pumapasok.