Zafra at De Guzman, hari sa Prima Pasta open titles

Ginapi nina Lanz Ralf Zafra at Mikaela Joy Miranda De Guzman ang kani-kanilang mga katunggali noong nakaraang linggo sa open singles titles ng 13th Prima Pasta Badminton Championships sa Powersmash badminton courts sa Chino Roces Avenue, Makati City.

Mahusay na laro ang ipinakita ni Zafra kontra kay 2018 Prima Pasta open singles champion Rabie Jayson Oba-ob sa score na 21-7, 19-21, 21-15 victory sa men’s singles finale upang maiuwi ang korona ng kumpetisyon na inorganisa ng Prima Pasta Chairman Alex Lim.

Naagawan ni Zafra, miyembro ng Philippine team ng korona noong nakaraang taon ang defending champion Malaysian Shahrul Shazwan, 16-21, 21-11, 21-16, sa quarterfinals bago tinalo sa semifinals si Ros Leenard Pedrosa, 21-19, 21-7 at makasampa sa finals.

Ginapi ni De Guzman si Sarah Joy Barredo, 21-13, 21-18, upang maiuwi ang titulo sa women’s open singles. Sa doubles open categories, tinalo nina Peter Gabriel Magnaye at Alvin Morada sina Philip Joper Escueta at Paul John Pantig, 21-19, 21-15, para sa men’s doubles open crown.

Ginapi nina Alyssa Ysabel Leonardo at Thea Marie Pomar sina Jochelle Alvarez at Joella Geva Ramos De Vera, 21-13, 21-14 at kunin ang women’s doubles open trophy. Sa mixed doubles open finals, nakuha ni Magnaye ang ikalawang titulo katambal si Pomar at talunin sina Abhinaya Adira at Eleanor Christine Inlayo, 21-15, 21-13, para sa korona.

Ang iba pang doubles champions ay sina Christian Bernardo at John Matthew Bernardo (men’s A); Aldreen Rae Concepcion at Susmita Angelique Ramos (women’s B); Anthone Abellana at Emil Jose Mangubat (men’s B); at Maria Virginia Lopez at Joyce Pauline Santos (women’s C); John Edgar Reyes at Michael Verdejo (men’s C); Althea Rio Fuentespina at Angel Valle (women’s D); Rainiel Lloyd Nguyen at Jose Miguel Ranada (men’s D); Samantha Quinsanos at Janella Quinto (women’s F); Daniel Gabriel Luciano at Jojo Meilat (men’s F); at Daniel Cabacungan at Kurt Luis Catap (men’s G).