Dumalo sa fashion week na may 2 Vietnamese na positibo sa COVID-19… Catriona at Dra. Belo, todo-gala

Mercy Lejarde / Showbiz Talkies

Dahil biglang ang bilis ng pagtaas ng bilang ng Coro­navirus Disease cases sa ‘Pinas, may ilang ne­tizens ang naintriga at nagtatanong kung na-quarantine ba o nag-self-quarantine si Miss Universe Catriona Gray na ka­ga­galing lang a few weeks ago sa Italy para sa fashion week nu’ng Feb. 19-25.

May balita kasing nagpositibo sa COVID-19 ang magkapatid na Vietnamese socialite na rumampa rin sa fashion week sa Italy.

Kaya ang tanong, nakasalamuha kaya ni Cat­riona ang nasabing magkapatid?

Kasama ni Catriona sa nasabing fashion week ang sikat na beauty surgeon na si Dra. Vicki Belo.

Hindi lang kami sure kung nag-self-quarantine nga ang dalawa pagkagaling sa Italy dahil kung pag­babasehan ang kani-kanilang posts sa Instagram a few days ago, ang dami nang pinuntahang events at naka­salamuha nina Catriona at Dra. Belo, ha?!

Well, sana naman ay ‘di nga sila nabiktima ng linsiyak na COVID-19 na ‘yan dahil base naman sa kanilang aura, mukhang healthy at wala namang lagnat o sakit ang da­lawang famous celebs.