Apektado rin sa COVID-19.. Pagpapapako sa krus, stop

Wala munang ipapa­ko sa krus ngayong Semana Santa sa Bgy. San Pedro Cutud, San Fernando, Pam­panga.

Nagpasya umano ang lokal na pamahalaan na ipag­paliban ang taunang pama­manata ng mga tao sa lugar na dinarayo pa ng iba’t ibang lahi dahil na rin sa banta ng COVID-19.

Bawal na rin munang pumunta sa kanilang lugar ang mga dayuhan sa Biyer­nes Santo na nais masak­sihan ang mga namamanata roon. Papayagan naman ang pagpepenitensiya ng mga residente at pagpasan ng krus.