14 yrs. old nilasing, ni-rape ng 17-anyos

Nilasing muna bago pinagsamantalahan ng 17-anyos na binatilyo ang isang 14-anyos na dalagita sa Malabon City, kamakalawa ng gabi.

Nadakip na ng mga barangay tanod ang suspek na itinago sa pangalang ‘Allan’, ng Bgy. Hulong Duhat, makaraang makapaghain ng reklamo ang biktimang si alyas Pia, out-of-school-youth, ng Meycauayan, Bulacan.

Sa nakarating na ulat sa tanggapan ni Malabon Police Chief P.Col. Jessie Tamayao, niyaya ang biktima ng kanyang mga kaibigang lalaki sa isang bahay sa Bgy. Hulong Duhat at doon puwersahan umano siyang pinainom ng alak.

Nang maubos umano ang isang bote ng alak, nakaramdam na ng pagkalasing ang dalagita hanggang sa niyaya siya ng suspek na magtungo sa comfort room at doon pinagsamantalahan.