HD Spikers, binigay sa Lifesavers ang ika-2 pagkatalo sa Superliga

Bacoor city - Inakay ni Simon Liannes Castañeda ang laro para ipanalo ang Cignal laban sa Generika-Ayala, 19-25, 25-18, 25-20, 25-20 sa Philippine Superliga Grand Prix kahapon sa Bacoor Strike Gym.

Nakapagpag ng kanyang kalawang nang dumating sa bansa noong Sabado, nagpasabog ang Cuban ng 24 kills para sa 29 puntos na itinala sa HD Spikers.

“Well, I’m very happy. Actually, she barely had any sleep, but she did her best for our team,” ayon kay Cignal coach Edgar Barroga hinggil sa Cuban na siyang napili sa negosasyon mula sa dalawang iba pang imports. “She’s a reliable import and I put my complete trust in her.”

“In the first set we were trying to get the right mix of things, then after the first set we looked at our defense pattern,” ani Barroga. “From there we did our adjustments and the result was good.”

Nakapagtala rin ng 14 puntos si Alohi Robins-Hardy habang sina Ranya Musa at Roselyn Doria ay may pinagsamang tig-13 marka sa laban na tumagal ng 2 oras bago natapos.

Tumapos si Cuban reinforcement Elizabeth Vicet Campos na may 21 points habang si Eli Soyud ay may 13 markers para sa Lifesavers na dumanas ng ikalawang pagkatalo.

Sa second game, pinalakas ng F2 Logistics ang kampanya sa bisa ng clinical 25-21, 25-15, 25-13 win kontra PLDT Home FIBR.