Batas-militar, sagot sa krisis sa ekonomiya
Usap -usapan ang peste at trahedya na nararanasan ng daigdig.
Nauulit lang ang sinaunang kasaysayan ng mga tao sa Bibliya!
◘◘◘
LAHAT ng ito ay babala ng pagdarahop.
Aktuwal nang gumuguho ang world economy!
◘◘◘
KAPAG may krisis sa ekonomiya, hihina ang istruktura ng lahat ng gobyerno.
Ibig sabihin, guguho ang mga pamahalaan!
◘◘◘
SA pagbagsak ng gobyerno, mag-aagawan sa poder ang mga lider.
Ang “power struggle” ay maaaring madugo o mapayapa!
◘◘◘
NAGIGING madugo kapag nahati sa iba’t ibang paksiyon ang grupong militar.
Madugo sapagkat ang militar ay may kani-kanyang armas!
◘◘◘
PERO kapag nagkakaisa ang militar, mapayapa ang pagpupuslit ng liderato.
Kahit magkaroon ng protesta sa kalye pero solid ang militar sa isang lider — walang dugong dadanak!
◘◘◘
KAILANGAN ang kamay na bakal sa panahon ng krisis.
Magagawa lamang ito sa ilalim ng Batas-Militar!
Comments