Taong 2020, bagsak ang ekonomiya, dumami ang tambay, may krisis sa sikmura
- Ka Ambo
- Mar 2, 2020
- 1 min read
Tumataas ang kaso ng coronavirus sa South Korea. Ingat po tayo!
****
AMINADO ang mga eksperto na makararanas tayo ng global crisis dahil sa COVID-19. Pero, ang mga Pinoy, pakuya-kuyakoy lang!
****
MARAMI nang nawawalan ng trabaho dahil sa nagsasaradong mga kumpanya. Isa ang malinaw, malaki ang nalugi sa tourism at aviation industry!
****
KUNG ang malalaking korporasyon ay nalulugi, paano pa ang maliliit na negosyante? Maraming vendors sa Metro Manila ang nagsiuwi na sa probinsiya nang matanggal sa bangketa ang kanilang munting “kabuhayan”!
****
MARAMI ring jeepney drivers at operators ang tumigil sa pamamasada dahil sa pinupuwersang modernisasyon. Naging tambay ang mga pobreng tsuper!
****
BAWAL na ang tricycle sa national highways. Mawawalan ng trabaho ang mga trike drivers. Marami sa kanila ay nakapagpaaral ng mga anak, pero waley silang kabuhayan!
****
IPINATUPAD ang rice tariffication. Nalugi ang libu-libong magsasaka!
****
PINABAYAAN ang pambu-bully ng mga Chinese sa West Philippine Sea (WPS). Nawalan ng ikabubuhay ang maraming mangingisda!
****
PINAGPAPATAY ang mga baboy dahil sa African Swine Fever (ASF). Natunaw ang backyard piggery. Napakaraming bibig ang nawalan ng pagkain, gayundin, ang mga estudyante na hindi makae-enroll sa kolehiyo!
****
NAGSISIUWI na rin ang mga OFWs at hindi makalabas ng bansa dahil sa virus. Milyun-milyong OFWs na ang apektado nito!
****
BIGO ang gobyerno na maresolba ang krisis sa ekonomiya. Ngayong taong ito, kani-kanya na lang ang 100 milyong Pinoy sa paghahanap ng delihensiya laban sa napipintong krisis sa sikmura!
****
ISTRANDED ang mga produktong Chinese na sinasandalan ng maraming negosyante. Malagim ang hinaharap sa mga susunod na buwan, partikular sa panahon ng Kapaskuhan!
Comments