Ronda Pilipinas: Peralta, pasok sa Top 10; Morales, sa Stage 7

Photo: Ronda Pilipinas

Palayan City – Sinikap ni Arjay Peralta na magpakitang gilas sa kanilang lugar sa Nueva Ecija kaya naman nakipagsabayan ito sa mga bigating siklista upang pumasok sa top 10 finisher sa Stage 7 ng LBC Ronda Pilipinas na nagsimula sa Tarlac City. Taos noo si Peralta, 26, dumating itong pang-walo sa 110.6 km race upang ma-impress ang kanyang mga kalugar maging ang punong lungsod na si Adrianne Mae Cuevas. Bukod kay Peralta, sinalubong din ng mga taga-Palayan si Rench Michael Bondoc na tumawid sa meta ng pang 10th place. “We’re so happy here in Palayan that we are being recognized because of this race and we are thankful to Ronda Pilipinas,” masayang sabi ni Cuevas. Nagwagi sa nasabing stage si two-time champion Jan Paul Morales ng Standard Insurance-Navy, pangalawa na niya ito, una sa Stage 6 noong Sabado. Nirehistro ni 34-year-old Morales ang dalawang oras, 35 minuto at 20 segundo, segundo si Dominic Perez ng Bicycology-Army habang pangatlo si Rustom Lim ng 7Eleven Cliqq-Air21 by Roadbike Philippines. Nanatiling nasa tuktok ng overall individual classification si George Oconer, 28 ng Navy, may aggregate clocking itong 23 oras, apat na minuto at 13 segundo matapos ang pitong stages. Nasa 2nd hanggang 6th ng overall IC sina 2018 king Ronald Oranza, Ronald Lomotos, John Mark Camingao, Jenrey Navarra at El Joshua Cariño na mga Navy cyclists. ()