Pinasok sa opisina.. Abogado pinagbabaril, patay

Patay ang isa sa mga kilalang abogado sa bayan ng Talavera, Nueva Ecija makaraang pagbabarilin sa kanyang law office sa Bgy. Poblacion.

Kinilala ang biktima na si Bayani Dalangin, 73-anyos.

Batay sa paunang impormasyon, nasa loob ng kanyang law office ang biktima at may kinakausap na kliyente nang pasukin ng suspek alas-7:15 ng Biyernes ng gabi.

Tinawag pa umano ng suspek ang pangalan ng abogado bago binaril.

Naisugod pa sa Talavera General Hospital ang biktima ngunit, hindi na ito umabot ng buhay.

Ayon kay Police Col. Victor Leon Rosette, nagsasagawa na sila ng follow-up investigation sa nangyaring krimen.