P1.60 bawas-presyo sa gas

Nagbabadya ang malakihang bawas-presyo sa mga produktong petrolyo sa susunod na linggo.

Unang nag-abiso ng pagbawas sa presyo ang Phoenix Petroleum na P1.40 kada litro sa gasolina at P1.60 naman kada litro sa diesel na epektibo kahapon ng alas-6:00 ng umaga.

Naglabas din ng kanilang advisory ang Clean Fuel na may bawas-presyo ang kanilang mga produktong petrolyo na kahalintulad na halaga na epektibo ngayon araw, Marso 1.

Ang nagbabadyang pagbaba sa presyo ng mga produktong petrolyo ay kaugnay sa paggalaw ng presyuhan nito sa pandaigdigang pamilihan.