Munzon, Pasaol, Moala at Perez, buo na sa 3x3 OQT

Binubuo ang official 4-man lineup ng Pilipinas sa 2020 3x3 Olympic Qualifying Tournament na idaraos sa Bengaluru, India sa Marso 18-22, 2020 nina Joshua Munzon, Alvin Pasaol, Moala Tautuaa at Jaymar Perez na ngayon ay nasa abala nang praktis na nagsimula noong Miyerkules, Peb. 19.

Gamay na rin ng top two 3x3 ranked players na sina Munzon at Pasaol sina SEAG 3x3 gold medalists Tautuaa at Perez. Magsisilbing Team Delegation Head sa India sina SBP Selection Committee, chairman SBP Executive Director Sonny Barrios kasama ang mga miyembro na sina SBP Coaches Academy Head Jong Uichico, Coaches Pat Aquino, Eric Altamirano at Ronald Magsanoc na mamamahala sa preparasyon ng team para sa nalalapit na OQT.

Sina Serbian trainors, Stefan Stojajic at Darko Krisman na pawang 3x3 specialists, ang nagsuperbisa sa day-to-day practice at training ng team at iba pang pool players.

Nagpahayag si Tautuaa ng pagnanais na matuto mula kay Trainor Stojajic. Dumalo si Perez sa 3 p.m. practice ng 3x3 OQT team.

Apat sa Serbian 3x3 players ang nakalaro sa praktis ng team upang makuha ang estilo ng kanilang mga makakalaban sa grupo tulad ng Slovenia, France, Qatar at Dominican Republic sa Pool C. Ang top two (2) teams ay aabanse sa Quarterfinals playoff round.

Dumalo ang SBP officials at Selection Committee members sa team upang ipakita ang aktibong suporta at bigyan ng personal na payo ang 3x3 OQT pool players sa laban ng bansa para sa nalalapit na Tokyo Olympiad.