Producer, pumalag, gustong magdemanda… Oscars 2020 winner na parasite, kinopya lang sa Indian film

Lee Vin Nia / K-Buzz

Inaakusahan ngayon ng plagiarism ang big winner sa Oscars 2020 na Parasite. Ayon sa report ng Soompi.com, lumabas daw sa mga news outlet sa India ang producer ng Indian film na Minsara Kanna na si P.L. Thenappan.

“I saw the South Korean film Parasite and I feel that they have stolen the film’s crux from Minsara Kanna. I’m in talks with international lawyers and contemplating on filing a case against the makers of Parasite soon,” the producer was quoted as saying at the India Today na isang news outlet sa nasabing bansa.

Hindi naman daw sinabi ng producer kung aling part sa Parasite ang kinopya sa Minsara Kanna.

Sa The New Minute (TNM) naman daw na digital platform sa India ay nagpa­ha­yag din si P.L. Thenappan na… “They have taken the plot from my film. When they find out that some of our films have been inspired by their films, they file cases. Si­milarly, it is only fair for us to do the same.”

Ang Minsara Kanna, ayon pa sa report ng Soompi, ay isang romantic-comedy film sa India released in 1999 directed by K.S. Ra­vikumar and co-produced by K.R. Gangadharan.

Ang kuwento raw nito ay tungkol sa isang lalaki na na-in love sa isang rich girl at upang ma-win ang family nito ay nagtra­ba­ho siya sa bahay ng mga ito as a bodyguard at itinago ang kanyang tunay na identity.

Ang kuwento naman ng Parasite ay tungkol sa isang struggling family na iti­na­go rin ang kanilang tunay na katauhan at nagtrabaho sa isang mayamang pa­mil­ya na kunwa’y hindi sila magkaka­kilala pero ang totoo ay isa silang buong pa­mil­ya (mother, father, son and daughter).

Ang anak na lalaki ay pumasok na tutor ng anak na babae ng nasabing rich family habang ang kapatid naman niyang babae ay pumasok na art therapist. Ang tatay nila ay nag-apply na driver at ang nanay ay pumasok na housekeeper.

Ayon sa report ng India Today, halos pareho raw ang plotline ng Parasite at Min­sara Kanna, pero ang motibo raw ng mga karakter sa naturang dalawang pelikula ay magkaiba.

Nagbigay din ng pahayag ang direktor ng Minsara Kanna sa TNM News. Aniya, “I’m happy that the story has received an Oscar, even if [Minsara Kanna] served as an inspiration. However, filing a case is up to the producer.”

Kaugnay ng nasabing akusasyon, nag-release kaagad ng statement ang CJ Entertainment na producer ng Parasite. Sa interview ng Maeil Business Newspaper Star Today, sinabi ng isang source mula sa produksiyon na wala raw silang alam na may plagiarism na rekla­mo sa peli­kula nila.

“We have no knowledge about plagiarism claims from an Indian film. We have not received any information regarding this issue,” paha­yag umano ng source from CJ Entertainment.

Ang Parasite ay nag-uwi ng apat na awards sa ka­tatapos la­mang na 92nd Academy Awards (Oscars) namely Best Picture, Best Director (Bong Joon Ho), Best Original Screenplay at Best International Feature Film.

Dahil dito, the film made history for being the non-English language film to win the top-prize at the Oscars.

Samantala, kahapon (Feb. 20) ay inim­bi­­ta­han ng South Korean president na si Moon Jae In sa isang luncheon sa Blue House (tawag sa official residence ng presidente sa SK, katumbas ng Malacañang sa atin) ang mga actors and staff involved in the production and distribution of Parasite.

Ayon sa report ng Soompi ay sobrang proud ang SoKor president that the film made history in the Korean film industry as well as the Academy Awards.

“The Oscars is the world’s most prestigious and great film festival, but as our Director Bong (Joon Ho) pointed out, it had been criticized for being a ‘local film festival.’ However, because Parasite and Director Bong were so outstanding, they were able to break down the barrier faced by non-English language films and be recognized as the best film and best director. This makes me especially more proud,” pahayag ni Pres. Moon Jae In.