Mag-utol, tinuluyan sa sedisyon

Kasong sedition o panggugulo ang isinampa kay Arnel Cerafica at sa kapatid nitong si Allan, kapwa talunang kandidato sa pagka-mayor at congressman sa Taguig noong 2019 midterm elections.

Isinampa ito ng mga Taguig taxpayers at miyembro ng Jeepney Operators and Drivers Associations (JODA) nitong Lunes dahil sa serye umano ng ‘illegal assemblies and public and tumultuous uprisings’ na naganap noong May 14 at 23, 2019. Bukod sa kasong sedition, iba pang mga kasong kriminal tulad ng inciting to sedition, illegal assemblies, public disorder at violation of BP No. 880 ang isinampa laban sa magkapatid na Cerafica sa Taguig City Prosecutor’s Office.

Ang mga umano’y illegal assembly ay nangyari matapos lumabas ang resulta ng eleksiyon kung saan nanguna sina dating Senator Alan Peter Cayetano at Congressman and filmaker Lino Cayetano ng malaking puntos kontra sa Cerafica brothers. Kinasuhan din sina Andre Polo, Gloria Polo, Maria Luisa Roja, Oliver Dinco, Atty. Glenn Chong, Theresa Estanislao Reyes, Jheny Perey Orellana, Karen Mercado, Yolly Lacsaron, Daniel Galmarin, Baby Celso, alyas Annie Marie, alyas Ma. Fatima, alyas Florinda at ilan pang mga John at Jane Does.