Indonesia vs. Gilas, baka makansela dahil sa COVID-19

Posibleng makan­sela rin ang natitirang Gilas Pilipinas qualifying match kontra Indonesia para sa unang window ng FIBA Asia Cup qualifiers ngayong buwan dahil pa rin sa Co­ronavirus Disease (COVID-2019).

Base sa mga naglaba­sang mga balita mula sa In­donesia, inatasan ang Indo­nesia Basketball Association o mas kilala bilang PER­BASI ng kanilang Ministry of Youth and Sport (Keme­pora) at Ministry of Health (Kemenkes) upang ipagpa­liban ang laro.

Bukod sa laban kontra Gilas, inatasan din ang Ke­menkes ang Perbasi na kan­selahin ang laban nila kontra South Korea.

Nauna nang nakansela ang laban ng Gi­las kontra Thailand sa Peb­rero 20 sa rekomendas­yon na rin ng Department of Health ha­bang nakatakda sana nilang makatunggali ang Indonesia sa Pebrero 23.

Sakaling makansela rin, inaasahan ng Gilas na papa­bor pa rin ito sa kanila dahil madaragdagan ang panahon ng kanilang preparasyon.

“The Ministry of Youth and Sports … instructs you to post­pone the implementa­tion of FIBA Asia Cup 2021 activities in Indonesia,” na­ka­saad umano sa ipinada­lang sulat ng Kemenpora sa Perbasi.

“There is still a lot of information that is not yet known about COVID-19, such as the mechanism of transmission,” ayon na­man sa liham ng Kemenkes.