Takot na takot sa Superstar… Isabel, muntik nang atakihin sa puso sa away nila ni Nora

Mercy Lejarde / Showbiz Talkies

Happy kami na balik-serye uli ang nag-ii­sang Superstar na si Nora Aunor at bibida sa Kapuso Afternoon Prime na Bilangin ang Bituin sa Langit.

Bago pa nagsimula ang first taping ng BABSL ay nag-PM kay yours truly ang isa sa mga co-stars ni Ate Guy na si long-time friendship Isabel Rivas asking kung naka­ka­takot daw bang makaeksena ang ating Superstar.

Mata pa lang daw ni Ate Guy ay nata­ta­kot na siya. Pero after daw niyang makaek­sena ang kanyang kinatatakutan ay naka­hinga siya nang maluwag at nagsabing...

“Naku, takot ako sa kanya kapag ka­ek­se­na siya, nakita naman ninyo kung ano ang ginagawa ko sa kanya. Sa confrontation scene namin, muntik na akong atakihin sa puso dahil ang husay-husay niya.

“Sabi ko sa kanya ‘Ate Guy, huwag mo akong titingnan, baka mawala ako sa ek­se­na.’ Mata lang kasi niya, matatakot ka na. Medyo takot din ako sa mga fans ni Ate Guy, baka magalit sila sa akin kasi nga kon­trabida ako ng idol nila rito sa Bila­ngin at ilang beses ko siyang sinaktan dito. Pero nakakatuwa, dahil very profes­sional ang nag-iisang Superstar natin sa Philippine Cinema at pati na ang lahat ng mga kasama ko sa seryeng ito. Kaya very thankful talaga ako sa GMA Network.”

Heard na hiwalay na sa kanyang American husband si Isabel kaya free na uli si­yang gumawa ng mga tele­ser­ye o maging pelikula man.

K! Go lang nang gowww, Isabel, at magbilang ka pa ng mga bituin sa langit in your showbiz career.

Yes, Sir! ‘Yun lang and I thank you.