War on illegal gambling pang-mahirap lang, mga bigtime, lusot!
PARAK NA SANGKOT SA ILEGAL NA DROGA, MAGKAKA-MONTHLY PENSION PA — Ang isa sa mga benepisyong nakukuha ng mga retiradong pulis ay ang pagkakaroon ng monthly pension.
Mantakin n’yo, hindi nagserbisyo nang tapat sa publiko ang mga scalawag na ito dahil ang inasikaso nila ay magbenta ng ilegal na droga para magkaroon ng limpak-limpak na salapi, tapos ang gustong mangyari ni Gen. Gamboa, pagkalooban sila ng monthly pension, buwisit!
***
COL. ESPENIDO, DAPAT IPA-TOKHANG NA NI P-DUTERTE — Isa si Lt. Col. Jovie Espenido, tinaguriang “poster boy” ng Malacañang na kilala sa paglaban sa ilegal na droga dahil mahilig itong mang-tokhang, ang napabalitang sangkot din daw sa ilegal na droga.
Aba, kung totoo ito, dapat ipa-”tokhang” na agad ni P-Duterte si Espenido kasi malaking kasiraan ito sa war on drugs ng gobyerno, period!
***
“WAR ON ILLEGAL GAMBLING”, PANG-POBRE LANG, HINDI PANG-BIGTIME — Ang “war on illegal gambling” ni Gen. Gamboa ay tila pangmahirap lang kasi ang target ay i-raid kung saan may burol at hulihin ang mga naglalamay na nagsusugal ng saklang-patay, tong-it at bingo, pero “nganga” naman sa mga bigtime gambling lord tulad sa jueteng at STL-Pares ni “Jun Moriones” sa CAMANAVA, bookies ni “Boy Abang”, lotteng ni “Don Ramon” sa Maynila at jueteng nina “Ariza” sa Cavite, “Haruta”, “Toce”, “Alvarez” sa Laguna, “Reyes” at “Venir” sa Batangas at “Kit” sa Rizal.
Dahil d’yan, lumalabas na ang “war on illegal gambling” pala ni Gen. Gamboa ay pang-pobre lang, hindi pang-bigtime, pwe!
Comments