Blazing Bullet vs. American Factor

Aalagwa ngayong araw ang Additional One Win in Group Races na binubuo ng pitong karera sa San Lazaro Leisure Park (SLLP), Carmona, Cavite.

Magaganap din ang Winner Take All (WTA), Pick 6, Pick 5 at Pick 4, kasabay ng Trifecta, Quartet, Pentafecta at Super Six.

Nakatakdang maganap ang limang Condition Race at Group Race at 3 Year Old Group Race (7).

Sa Race 1, panimula ng WTA ang maglalaban na Rio De Janeiro, Apollo De Aquila, BoomBoomThailer, ArtikuloUno, A Certain Smile at Quick Little Miss.

Sa Race 2, umpisa ng Pick 6, nakalalamang ang Thunder Maxx, habang magsisilbing kalaban ang bond’s Mission at Blue Blood.

Sa Race 3, simula ng Pick 5 sa Condition Race (15) nakalalamang ang Go On Eugene at magsisibing kalaban ang Ready Set Go. Sa Race 4, umpisa ng Pick

4, balikatan ang laban ng mga kalahok na couple entry na Pampangueño at HotDog, Jade Treasure, Play It Safe at This Time.

Magandang laban ang masasaksihan ng bayang karerista ng Condition Race (21) sa pagitan ng Baling Rikit at Money Machine at Galing sa Mabait. Sa Race 6, nakalalamang ang American Factor at makakalaban ang Blazing Bullet at Arrogante, Golden Hook at Greatest Joy.

Sa Race 7, mahigpit na maglalaban sa paratingan sa WTA, Pick 6, 5 at Pick 4, ang Fantastic Max, Case Bell, Del Monte, Couple Entry na Miss Marshall at Lucky Saver at Northern Fame.