Mga Produktong made in China, out: Made in USA, in
Nakopo ng pelikulang Parasite ng South Korea ang Best Picture award sa prestihiyosong Academy Awards o mas kilala bilang Oscars sa U.S..
Klik talaga ang tema ng epidemya!
◘◘◘
KABILANG ang dalawang heneral sa mga sangkot sa illegal drugs.
Huh, na naman?
◘◘◘
BIO warfare raw ng China ang nCoV pero nabulilyaso.
Meaning, sila ang “unang nakatuklas”!
◘◘◘
TINANGGAP na ng mga taga-Tarlac ang mga OFW na lumikas mula sa Wuhan City, China.
Inakusahan silang “utak-Aquino”!
◘◘◘
NABABAWASAN na ang biyahe ng eroplano at barko mula at patungo sa China.
Malinaw na apektado ang ekonomiya ng buong mundo!
◘◘◘
BIHIRA na rin ang mga bumibili ng “made in China”.
Mas bokya ang mga “made in Wuhan”!
◘◘◘
BABALIK ang mga tao sa merkado ng U.S..
Babahang muli ng PX goods sa Clark!
◘◘◘
ISINUMBONG na ng gobyerno ang ABS-CBN sa Korte Suprema.
Hindi na ito biro!
◘◘◘
TANGING ang North Korea na lamang ang hindi napapasok ng nCoV.
Nakatulong nang malaki ang solitaryo sa panahon ng epidemya!
◘◘◘
WALANG ulat kung nakapasok sa Iran ang nCoV.
‘Yan ang dapat malaman ng U.S.!
◘◘◘
AYAW madamay ng Taiwan sa epidemya ng Mainland China.
Ang problema, bahagi sila ng China batay sa “one China policy” sa daigdig!
◘◘◘
MASISIRA ng ekonomiya ang negosyo sa Singapore at Hong Kong.
Walang duda, mahahawa na ang buong mundo!
◘◘◘
NATABUNAN na ng ulat sa nCoV ang trahedya sa Bulkang Taal.
Kawawa naman ang mga taga-Batangas!
◘◘◘
HINDI rin napapansin ang pagkatuyot ng mga dam.
Isang trahedya na walang gumagawa ng solusyon!
◘◘◘
UMIINIT na sa Metro Manila.
‘Yan ang tutunaw sa lahat ng virus!
◘◘◘
BANGKAROTE na rin ang turismo at aviation industry.
Apektado ang ordinaryong mamamayan!
◘◘◘
IISA ang nakikinabang sa epidemya at krisis.
Ito ay ang mga negosyong nakadikit sa social media!
Comments