Break na raw, pero parang walang nangyari… James at Nadine, together again basta gimikan

Beth Gelena / Bulgary Files

Nagkabalikan na ba (nag-break ba talaga?) ang mag-ex na sina James Reid at Nadine Lustre?

Kahit kasi in-announce nilang nag-break sila, madalas pa rin silang makitang magkasama lalo na sa mga parties o gimikan.

Pagkatapos silang makitang magkasama sa isang event sa Makati nu’ng nakaraang linggo, naispatan naman sila na parehong nasa party ng kanilang kaibigang si JM Rodriguez.

Sa larawang ipinost ni JM, hindi mo aakalaing break na ang dalawa. Masaya silang nakikihalubilo sa mga kaibigan at magkasama pang nagpapakuha ng larawan.

Komento ng mga netizens: “Party people talaga. Buti happy sila.”

“Nadine, if by any chance you’re reading this, you have to discern what is it that you really want in your life. Just a sisterly advice, Nadine, maski 2020 na ngayon. No charot!”

“Nadine and James lookin’ at the public like: we got ‘em good!’”

Tama lang naman daw ang ginagawa ng mag-ex na maging best of friends. Ipinakikita lang nila na they remain friends sa kabila ng paghihiwalay nila.