2 nagpapakilalang ‘ninong’ ni Mayor Isko, tuloy ang illegal gambling sa Maynila
- Pabs Hernandez III
- Feb 11, 2020
- 2 min read
RAKET NINA “BOY ABANG” AT “DON RAMON”, UNTOUCHABLES SA LUNGSOD NI YORME ISKO — Nang maupo si Yorme Isko Moreno, ang order nito sa Manila Police District (MPD) ay ipatigil ang lahat ng mga illegal gamblings sa Maynila at ang resulta, tumigil ang ibang pasugalan, pero ang bookies ni “Boy Abang” at “lotteng” ni “Don Ramon” ay hindi raw tumigil at kahit ngayong may war on illegal gambling si PNP Chief Gen. Archie Francisco Gamboa, tuloy pa rin daw ang kanilang raket sa lungsod.
Tila totoo ang ipinagyayabang nina “Boy Abang” at “Don Ramon” na “nongni” (ninong) sila ni “yorme” kaya untouchable ang raket nila sa Maynila, buwisit!
◘◘◘
MGA HEPE NG CAMANAVA, DEDMA SA WAR ON ILLEGAL GAMBLING NG PNP CHIEF — Ang war on illegal gambling ni Gen. Gamboa ay tila hindi sineseryoso nina Caloocan City Police Chief Col. Dario Menor; Malabon City Police Chief Col. Jessie Tamayao; Navotas City Police Chief Col. Rolando Balasabas at Valenzuela City Police Chief Col. Carlito Gaces.
Ang dami nang nasibak na hepe dahil sa illegal gambling, pero ang apat na hepeng ito ay “nganga” lang sa “jueteng-STL-Pares” ni “Jun Moriones” sa CAMANAVA area, boom!
◘◘◘
BAKA GUSTO NI COL. MENOR NG CALOOCAN NA MA-ONE STRIKE POLICY NI GEN. GAMBOA? — Si Col. Menor ay katatalaga lang bilang hepe ng Caloocan City Police at alam niyang ang pinalitan niya sa puwesto na si Col. Flores ay nasibak dahil sa “one strike policy” ni Gen. Gamboa laban sa illegal gambling, pero kataka-takang maging siya ay dedma sa raket na jueteng-STL-Pares ni “Jun Moriones” sa lungsod.
Baka trip din ni Lt. Col. Menor na madale ng “one strike policy” ni Gen. Gamboa kaya dedma lang siya sa raket sa kanyang jurisdiction? He-he-he!
◘◘◘
PALAKASAN SA SIBAKAN SA PNP-REGION 4-A — Sinibak ni PNP-Region 4-A Director Brig. Gen. Vicente Danao, Jr. si San Pablo City Police Chief Lt. Col. Eliseo Bernales dahil dedma raw ito sa mga video karera sa lungsod.
Naku, parang may palakasan system sa pagsibak ni Gen. Danao, kasi may mga hepe na “nganga” sa jueteng nina “Ariza” sa Cavite; “Haruta”, “Toce”, “Alvarez” sa Laguna; “Reyes”, “Venir” sa Batangas at “Kit” sa Rizal, pero walang nasisibak sa kanila, boom!
Comments