BF mo, Andrea, binigyan ng 'ka-date'… Derek, ipinahiya si Raffy Tulfo?

Nitz Miralles / Bida

Photo: AndRek Vlog (top)

Pinuna ang suot ni Derek Ramsay sa date nila ni Atuhumurize Evelyne, isang nanny na mula sa Uganda kaya tinawag na Miss Uganda, na nag-request ng date sa aktor. Naka-sando lang kasi si Derek, samantalang bihis na bihis si Evelyne.

‘Yung post tuloy ni Derek sa socmed na, “This was an awesome experience. It was an honor to meet you Evelyne,” ay nabalewala.

May nag-comment kasi na disappointed siya sa suot ni Derek na pinaghandaan ni Miss Uganda. Napaka-inappropriate raw ni Derek at ipinahiya nito si Raffy Tulfo na nag-arrange para mag-meet sila ni Evelyne. Pero, may paliwanag si Derek kung bakit naka-sando lang siya sa date na ‘yun.

Sey ng hunk actor, “I didn’t know she was getting fully dressed and made up. She wanted to meet me and I wanted to make her happy before she goes home. I invited her to my home so that it’s more private.”

Kasama pala si Andrea Torres sa mga naghanda para maging perfect ang date nina Derek at Evelyne. Sa napanood naming video, si Andrea ang may dala ng bouquet of flowers na ibinigay ni Derek kay Evelyne at kasama pa ang sexy actress sa mga naghanda ng pagkain sa date ng dalawa.

Samantala, inaabangan na ang bagong teleserye na gagawin nina Derek at Andrea sa GMA-7 na kundi kami nagkakamali, Sanggang Dikit ang title at iikot ang istorya kay Andrea.