Sa mga todo-sawsaw sa away nila ni KC… "Wala kayong alam!" — Sharon

Nitz Miralles / Bida

Photo: @reallysharoncuneta

Disabled ang comment box ng Ins­ta­gram (IG) account ni Sharon Cuneta kung saan ipinost ng Megastar ang usa­­pan nila ni Frankie Pangilinan. Nag­pasalamat kasi si Sharon kay Fran­kie for “Being my happiness, joy. Source of comfort.”

Sumagot si Frankie ng… “MAMA MY GOODNESS NO NEED. I love you so much. I hope your heart is light­er. Thank you for everything you have ever done for us. I refuse to be a waste of the privilege you have blessed us with.”

Ang sagot ni Sharon kay Fran­kie ay, “That girl Kakie,” na para wa­la nang isyu sa mga netizens, ginawa na lang niyang “disabled” ang comment box. Ayun, walang ma­kapag-comment, hindi sumakit ang ulo at puso ni Sharon dahil wa­la nang nababasang negatibong komento.

Naaakusahan kasi si Sharon na favorite si Frankie at hindi raw nito alam na nasasaktan si KC Con­cepcion sa napaka-obvious na pagpabor niya kay Frankie. Dahil din sa sunud-sunod na posts ni Sha­ron about family at respeto sa parents, naakusahan din siyang nag­pa­parinig kay KC, lalo na ‘yung ap­preciation post niya kay Angel Locsin kamakailan.

Sagot ni Sharon: “Nagpapasa­lamat ako sa isang taong gumawa ng mabuti sa akin, patama agad? Ang ti­na­tamaan, guilty kahit hindi s’ya ang iniisip. Konting lawak ng pag-iisip naman.”

Dagdag pa niya, “Wala kayong alam sa mga nangyayari. Ano ito tampong ‘di matapos? Baka kaya mas malalim? Hu­wag na kasi makialam,” at “Haha­haha. Wala talaga kayong alam.”