Doktor, nurse, medical technicians etc.. Hazard pay sa lahat ng frontliners kontra nCoV

Hindi umano biro ang pagharap ng mga tauhan ng gobyerno sa prob­lema ng nCoV, dahil nalalagay din sa ala­nganin ang kanilang kaligta­san mula sa nakahahawa at nakamamatay na sakit.

Dahil dito, hinihimok ni House Committee on Civil Service and Professional Re­gulation Chairman Rep. Frederick Siao ang gobyer­no na bigyan ng angkop na dag­dag na hazard pay ang lahat ng mga itinuturing na front­liners sa nCoV.

Kabilang ang mga dok­tor, nurses, laboratory at me­dical technicians at field per­sonnel ng DOH.

Sila aniya ang nagtatra­baho nang husto sa ngayon upang pigilan ang paglaga­nap ng Wuhan virus at na­isasakripisyo ang sariling ka­ligtasan tuwing humaharap sa mga pasyente o sa posib­leng mga carrier ng virus.

Ani Siao, limitado ang binibigyan ng hazard pay kaya makabubuting gawan na ngayon ng paraan ng Department of Budget and Ma­nagement at ng Civil Service Commission na mabigyan ng tamang kom­pensasyon ang lahat ng front­liners ng gobyerno kontra nCoV.