‘Wag mag-panic sa nCoV.. Lilipas din ‘yan — P-Du30

Tiwala si Pangulong Rodrigo Duterte na lilipas din ang isyu ng 2019 novel co­ronavirus acute respiratory disease (2019-nCoV ARD).

Ayon sa Pangulo, tulad ng mga nagdaang mga ba­gong nadiskubreng sakit, unti-unti rin itong mawa­wala.

Inihalimbawa ng Punong Ehekutibo ang kaso ng SARS at HIV kung saan nag-panic din ang mga tao noong unang matuklasan ito.

Aniya, lalo na ngayon na mas progresibo na ang medical science kumpara noong nakaraang mga pa­nahon.

Kumpiyansa ang Pangulo na ito rin ang sa­sapitin ng nCoV na balang-araw ay magkakaroon din ng gamot.

Kasabay nito, iginiit ni P-Duterte na walang da­hilan para maging hysterical o mag-panic sa pagpasok ng nCoV sa bansa. Aniya, kailangan lamang magpa-check-up sa ospital ang taong pinaghihi­na­laang may naturang karam­daman.

Kaugnay nito, kaya nag­kakaubusan aniya ng supply ng face mask ay dahil sa hys­teria ng mga tao na kanila nang tinutugunan sa pama­magitan ng pagbili ng mas ma­raming face mask.