Zambo, malupit sa San Juan; Basilan at Pasig, nagwagi

Photo: Maharlika Pilipinas Basketball League

Giniba ng Zamboanga ang San Juan habang tinalo ng Basilan ang Pasay upang mapalakas ang kanilang kapit sa top 4 finishes sa Chooks-to-Go MPBL Lakan Season elimination round noong Biyernes ng gabi sa Cuneta Astrodome.

Sumandal sa depensa ang Zamboanga upang gapiin ang league leader San Juan Knights, 69-64 habang ang Basilan Steel ay pinalakas ang opensiba para mapahiya ang Pasay, 74-59 sa kanilang homecourt.

Ibinuhos ng Zamboangueños ang 51-39 na lakas sa huling 3rd quarter at gamitin ito upang harangan ang final assault sa Knights at sumampa sa 4th place ng Iloilo United Royals sa 18-11 ng South division ng 31-team league.

Trumangko sila sa Steel at iangat sa 19-10 ang record na ikinasiya ng crown para mapigilan ang playoffs drive ng Voyagers.

Bagsak sa 16-13, dumikit na ang Voyagers sa Caloocan Supremos (15-3) para sa 8th at last playoff spot nila sa North division.

Tinalo rin ng Pasig ang Valenzuela, 90-72 para sa 7th spot sa North. Samantala, bukod sa panonood sa Chooks-to-Go MPBL Lakan Season All-Star Game, slam duk competition at 3-point shootout, may dahilan na ang sports fans para manood sa MOA Arena sa Peb. 13, Huwebes. May tsansa sila na makapag-uwi ng brand-new pickup at 5 motorsiklo na ipapa-raffle ni league founder at CEO Senator Manny Pacquiao.

Itatampok ng All-star game ang best-players ng 16-team North division kontra sa 15-team South division. Ang 3-point shootout ay katatampukan ng long-distance bombers na nakalusot sa eliminations noong Enero 28 sa Cuneta sa pagsusuperbisa ni MPBL Commissioner Kenneth Duremdes at Deputy Commissioner Zaldy Realubit at Operations Head Emmer Oreta.