Bulacan at Iloilo pakay ang Top 4

Photo: Maharlika Pilipinas Basketball League

Nagwagi ang Bulacan Kuyas at Iloilo United Royals sa kani-kanilang karibal at pinalakas pa ang kanilang pakay para sa top 4 ng elimination round ng Chooks-to-Go MPBL Lakan Season Huwebes ng gabi sa Malolos Sports & Convention Center.

Nakagawa si Gwyne Capacio ng 9 sa kanyang 17 puntos sa 4th quarter nang gibain ng Kuyas ang Quezon City Capitals, 78-70 at sumampa sa 19-10 ng North division kung saan nalagay sila sa 6th place.

Nakabasket si Capacio ng 6 rebounds at salamat sa 14 puntos nina Jhan McHale Nermal at 10 ni Jovit dela Cruz. Wala na sa kontensiyon ang Capitals, lagpak sa 10-19 sa kabila ng 13 points at 10 rebounds ni Clark Derige at 13 point ni Mark Olayon.

Nahirapan pa muna kontra Sarangani province, nalagay ang Royals sa 96-86

na panalo upang umangat ang record sa 18-11 at maipuwesto sa no. 4 ng South division.

Humarurot si Richard Escoto para sa Royals sa 24 puntos at 4 boards, kasunod ni Donald Gumaro na may 18 points, Al Francis Tamsi na may 11 at Aaron Jeruta sa 8 puntos at 12 assists.

Kumamada ang Sarangani sa 22 points ni Orin Catacutan, dumikit pa sa 55-58 pero kinapos din sa huli at may kartadang 1-27 sa South.

Tinalo rin ng Rizal Xentro Mall ang Bicol-LCC Malls, 79-77 upang maiwasan ang Volcanoes na umabanse sa pagsampa sa playoffs. Namayani si Veteran Mark Benitez sa Golden Coolers para sa ika-5 panalo sa loob ng 27 laro, umiskor sa Rizal ng huling 7 puntos.

Nakagawa si Benitez ng 17 points at 10 rebounds kasunod ni homegrown Jayvee Vidal na may 14 points at 5 rebounds, may 13 si Kelvin Gregorio at si Buenaventura Raflores ay may 11 at 8.

Nakagawa para sa Volcanoes si Garcia ng 19 puntos, kumartada ng 15-14, pero lamang sa Cebu 13-14 para sa karera ng ika-8 at huling playoffs slot sa South division.

Nagbalik kagabi sa laro ang MPBL sa Cuneta Astrodome kung saan naglaban ang Valenzuela at Pasig ng 4:15 p.m. habang ang Zamboanga at San Juan sa 6:45 p.m. habang kalaban ng Basilan ang Pasay ng 8:45 p.m.