Sobrang modernong teknolohiya, buhay wala nang halaga!

Ka Ambo / Bistado

Kumakalat na rin ang avian bird flu mula sa Poland.

Anubayannn?

◘◘◘

NAGKAROON ng malakas na lindol sa Turkey, Mexico at Caribbean.

Ayaw na tayong tantanan!

◘◘◘

PINESTE naman ng locust ang Africa.

Nagbabanta rin ang bulkan sa iba’t ibang lugar.

Pagkatuyo na lang ng dagat ang hindi nagaganap!

◘◘◘

INIUTOS ni P-Digong sa mga gabinete ang boykot sa pagbiyahe sa U.S..

Malaki ang tama niya!

◘◘◘

WALA pa ring linaw kung mabibigyan ng prangkisa ang ABS-CBN.

Abangan!

◘◘◘

NALIPASAN na ng panahon ang telebisyon.

Bakit?

Sapagkat ang “makabagong telebisyon” ay ang internet!

◘◘◘

ANG monitor ng tradisyunal na TV ay napalitan na rin.

Ito ay ang “mobile” cellphone.

Ibig sabihin, hindi lang portable ang “TV”, bagkus, ito ay “miniature” pa — sandakot ng palad lang!

◘◘◘

SOBRA-SOBRA nang umunlad ang teknolohiya.

Pero, hindi pa rin naa-appreciate ng sibilisasyon.

Kumbaga sa mga naghahanap ng “isla ng ginto” sa karagatan, nakatapak na sila sa isla ng “gintong buhangin” — pero naghuhukay pa sila ng “ginto”!

◘◘◘

MAY malaking problema ang tao sa ibabaw ng lupa.

Naiwanan ng pagyabong ng teknolohiya ang “humanidad”!

◘◘◘

ANO ang humanidad?

Ito ay ang pagpapahalaga sa mismong buhay ng tao!

◘◘◘

AKTUWAL na “buhay” o ang magkasanib na isip, katawan at kaluluwa — sa iisang naturalesa.

Hanggang ngayon, kakarampot ang nakauunawa kung ano ang “humanity”!

◘◘◘

SA biglang tingin, inaakala nating nauunawaan natin ang kahulugan ng humanity, pero sa aktuwal ay hindi.

Mahalaga ang “buhay ng tao” — higit sa alinmang luho o material na bagay sa ibabaw ng mundo!

◘◘◘

MAHALAGA ang pamilya at emosyon sa kapwa tao, higit sa alinmang saya na idinudulot ng gadgets at salapi.

Mahalagang maunawaan — ang halaga ng kapaligiran, kalikasan at buhay ng bawat indibidwal!