Valentine‘s Day in-advance, nabangga.. Parehong kabit patay sa motor

Nasawi ang umano’y magkalaguyo makaraang mabangga ang kanilang sinakyang motorsiklo kamakakawa ng hapon sa San Fabian, Pangasinan.

Kinilala ang mga nasawi na sina alyas Oscar at Dina, kapwa nasa hustong edad at may asawa. Ayon sa inisyal na imbestigasyon, papauwi na ang dalawa sakay ng motorsiklo nang bumangga ang mga ito sa nakaparadang sasakyan.

Galing umano ang mga ito sa isang beach upang maagang ipagdiwang ang Araw ng mga Puso. Maaaring nakainom na ang lalaki at hindi nakontrol ang manibela ng motor na sanhi ng pagkabangga sa nakaparadang sasakyan.

Napag-alaman na matagal nang nagde-date ang dalawa sa hindi pinangalanang beach.