Nakiramay sa pagkamatay ng NBA legend… Regine, imbes Kobe, Coby ang spelling sa IG post, binash ng n

Ronalyn Seminiano / Showbiz Trend

Photo: @reginevalcasid

Nabulabog ng buong mundo matapos kumalat ang balitang kasama ang napakahusay na NBA superstar na si Kobe Bryant at anak nitong si Gianna sa si­yam na nasawi sa kalunus-lunos na helicopter crash nu’ng Linggo ng umaga sa Calabasas, California.

Bumaha ng luha at mensahe ng pakikiramay sa so­cial media mula sa mga fans at supporters ni Kobe at maging ang mga celebrities ay nagpahayag ng kani-kanyang pakikidalamhati sa pamilya ng mga nasawi.

Kabilang sa mga Pinoy celebrities na nagpahayag ng labis na pagkalungkot at panghihinayang sa pag­kawala ng nag-iisang Black Mamba ng NBA sina Vice Ganda, Aiko Melendez, Arjo Atayde, Rhen Escaño, Rhian Ramos, atbp..

Sey din ni Megastar Sha­ron Cuneta sa Twitter: “May God have already welcomed you both home in His loving arms, Kobe Bryant and beloved daughter, 13-year-old Gianna. R.I.P. May He comfort and embrace your beautiful wife and other daughters through this most difficult period.”

Sabi naman ni Vice Gan­da, “Ang daming na-inspire, napahanga at napasaya ni Kobe. Ang daming nalulung­kot ngayon. ‘Di tayo magka­ki­lala, Kobe, pero maraming salamat po. #RIPKobe­Bryant.”

Samantala, nag-post din ang Asia’s Songbird na si Re­gine Velasquez sa Insta­gram tungkol sa kalung­kutang na­raramdaman niya sa pagka­matay ni Kobe, pero na-bash siya dahil sa maling spelling ng pangalan ng NBA legend.

Ayon sa ilang ulat, ang orihinal na nailagay ni Re­gine ay “RIPCoby.”

Sadyang matinik ang mata ng mga netizens kaya nasundan agad ito ng pagtu-tweet ng Songbird ng: “I always make a mistake with spelling someone name. You can correct me without embarrassing me and it’s ok. I have dyslexia I have a hard time with spelling. Please be kind again, you can correct me without making me feel bad.”

Mula sa BULGAR family, lubos ka­ming nakikiramay sa pamilya ng mga na­sawi lalo’t higit sa nag-iisang Black Mamba.