Mga eksperto, aariba sa 2020 Nat’l Sports Summit

Nangalap ang Philippine Sports Commission (PSC) ng mga kilalang sports specialists at educators para itakda ang isang lecture-workshops sa 2020 National Sports Summit sa Peb. 27 - 28 sa Philippine International Convention Center sa Pasay City.

Itinakda ang temang “Creating a clear vision of Philippine Sports,” pakay ng PSC na ayusin ang kasalukuyang status ng sports sa bansa at lumikha ng isang chart na susundin para sa ikatatagumpay ng bawat atleta sa isang event.

May 500 kalahok mula sa iba’t ibang government agencies, private sectors, national sports associations (NSAs), collegiate coaches at athletes mula sa UAAP, NCAA at NCRAA, stakeholders, etc. ang dadalo sa pinakamalaking nationwide sports summit ngayong taon. “This will be the 2nd National Sports Summit of this scale since 1992 so we want it to be as inclusive as we can,” ayon kay PSC Chairman William Ramirez.

Magbibigay din si Dr. T.J. Rosandich, President at CEO ng United States Sports Academy (USSA) ng lecture hinggil sa Sports Success mula sa 1st world perspective. “In order to realize this, it is imperative for us to work with experienced people in the field to educate us about inclusive, grounded, and scientific measures vital in our production of an effective sports plan,” paliwanag ni Ramirez.