Bulkang Taal, ibinaba ang alerto.. ‘Wag mag pakampante — Palasyo

Wala umanong dahi­­lan para mag­pakampante ang gobyerno matapos ibaba ng Philippine Institute of Vol­canology and Seis­mology (Phivolcs) sa Alert Level 3 ang Bulkang Taal.

“Hindi naman nagla-lie-low ang gobyerno. Palagi tayong on our toes pag­da­ting sa panganib. Palagi ta­yong nakahanda,” ani Panelo.

“Kaya nga hindi ba ang naging posisyon natin d’yan ay ‘wag bumalik sapagkat doon sa mga lugar nila na tinitirhan at pinagtatraba­huhan sa­pag­kat nanganga­nib pa,” saad ni Panelo.

Kasabay nito, hinimok ni Panelo si Phivolcs Di­rector Renato Solidum na ba­guhin ang opinyon kaugnay sa banta ng Bulkang Taal hinggil sa susunod nitong pagsabog.

Giit pa ni Panelo, ang national go­vernment pa rin ang may final say kung kailan makababalik ang mga bakwit sa kanilang mga tahanan sa kabila ng pag-aalala ng mga local executive pero dapat pa rin sundin ang protocol.

“Siyempre, ang natio­nal govern­ment. Kung sino ang nasa taas, ‘yun ang masu­sunod. But we can under­stand the concerns of the local au­thorities. Puwede naman nilang sabi­hing as far as they’re concerned okay na ‘yung… wala ng pa­nganib. So they can recom­mend and the national go­vernment will evaluate,” wika ni Panelo.

“Pero siguro kung ano ‘yung protocol sa ngayon, kung sinabing the areas in the periphery of the Taal, with respect to a certain range, ay hindi na mapanganib, pu­wede na ring bumalik doon. Pero ‘yung iba hindi pupu­wede. Kailangan sundin natin,” ayon pa sa kalihim.

Samantala, kasabay ng pagpapa­salamat, nakiusap naman ang mga nangangasiwa sa Batangas, sa mga donors na huwag nang magbigay ng mga damit dahil sobra na umano ang supply.“Sobra-sobra ang aming natatanggap. Kung mapapansin mo ang ating mga evacuees halos nagsawa na sa pagpili o pagkuha ng damit na kanilang mapapakinabangan," ayon sa isang opisyal.