Alerto sa bulkang Taal, ibinaba na

Nasa Alert Level 3 na ngayon mula sa dating Alert Level 4 ang Bulkang Taal sa Batangas ngunit, nananatili pa rin ang panga­nib na mag­karoon ng pagsabog.

Sa Taal Volcano bulletin na ipinalabas ng Philippine Institute of Volcanology and Seismology (Phivolcs), bu­maba na ang mga aktibidad na namo-monitor sa nakali­pas na dalawang linggo mula nang sumabog ang bulkan noong Enero 12.

Tinukoy nito ang buma­bang bilang ng mga naita­talang volcanic earthquakes ng Philippine Seismic Net­work na mula sa mahigit 900 kada araw ay nasa 27 na lang habang ang Taal Volcano Network ay na­kapagtatala ng 420 na pagyanig mula sa dating 944 kada araw.

Nabawasan na rin ang pagbuga ng abo at ang antas ng sulfur dioxide mula sa main crater ng Taal.