Konektado sa terorismo.. Briton, hinarang sa NAIA

Hinarang ng mga tauhan ng Bureau of Immigration sa (BI) NAIA Terminal 3 ang hindi pinangalanang 51-anyos na Briton mula sa United Kingdom na konektado umano sa international terrorist group.

Ayon kay Immigration Port Operations Division Chief Grifton Medina, batay sa intelligence information mula sa kanilang foreign counterparts ay kilala ang naturang Briton na sangkot sa ilang terrorist activities.

Samantala, naharang din ng BI sa NAIA ang isang babaeng Mongolian na nadiskubreng wanted dahil sa pambubugbog umano sa kanyang asawa.

Pinigilan sa NAIA ang 33-anyos na si Unurjargal Altantsetseg na unang lumapag sa Mactan Cebu International Airport mula sa Incheon, South Korea.

Ang naturang Mongolian ay kasama umano sa red notice ng Interpol noong April 2019, kaugnay sa kasong assault at maltreatment dahil sa pananakit sa kanyang asawa na nabulag at nagtamo ng serious physical injuries.