Mga lalaki, hinaharang daw… Sigaw ni Bela: Boss Vic ng Viva, hapi na wala akong BF!
After Neil Arce ay wala pang ipinakikilala ulit na bagong boyfriend si Bela Padilla sa publiko although may mga nali-link sa kanya.
Sa presscon ng latest film niya with JC Santos na On Vodka, Beers, and Regrets, kuwela ang sagot ng aktres kung choice ba niya ang maging single.
“Hindi po talaga. I think, choice po nilang lahat. Parang masaya po si Boss Vic (del Rosario, Viva Films’ big boss) na single ako, kasi tanggap ako nang tanggap ng trabaho.
“So, baka ‘yung Viva na ang gumagawa ng paraan para walang manligaw sa akin,” natatawang sabi ni Bela saka sinundan ng “Charot!”
Seriously ay hindi niya alam kung bakit single pa rin siya, pero happy naman si Bela.
“Sa totoo lang, masaya po ako ng ganito kasi, ‘yun nga, nagagawa ko ‘yung... feeling ko, kung may boyfriend ako ngayon, di hindi siya papayag na i-shoot ko ‘tong movie na ‘to, kasi ang dami naming ginawa rito na iba and mas mature,” she said.
Hurt pa rin ba siya sa ex-BF niya kaya ayaw niya munang makipagrelasyon?
“Hindi naman po. Wala naman pong nananakit sa akin sa totoong buhay. Lahat naman, maayos,” aniya.
Si JC naman, well, as we all know ay masayang-masaya dahil manganganak na ngayong Pebrero ang kanyang non-showbiz wife.
When asked kung may mga naging regrets ba sila sa buhay nila, sagot ni Bela, “Ako, in fairness, wala naman. ‘Pag nagmahal ako, todo-todo, so, walang regrets.”
Same with JC dahil extra baggage raw ang ganitong feeling at masyadong masakit isipin.
Comments