Construction worker noon, ang layo na raw ng narating… Marcelito, 'di makapaniwalang pasok sa se

Melba Llanera / Insider

Qverwhelmed at labis ang pasasalamat ni Mar­celito Pomoy sa mga America’s Got Talent superfans lalo na sa mga kababayan nating Pi­noy na tumulong sa kanya para ma­kapasok sa semi-finals at maging trending sa social media.

Kahit ang mga hurado ng AGT: The Champions tulad nina Simon Cowell, Howie Mandel, Heidi Klum, Mel B, Ter­ry Crews ay nagbigay ng standing ova­tion sa performance na ipinakita ni Marcelito kung saan kinanta niya sa babae at lalaking boses ang awiting The Prayer, duet nina Ce­line Dion at Andrea Bocelli.

Naging kontrobersiyal ang pag-agaw ni Simon ng golden buzzer na nakatoka kay Howie Mandel. Ang grupong Storm Break­­­er ang pinili ni Simon kung saan ayon kay Howie nu’ng magsabi siya ng komento kay Marcelito ay mas kara­pat-dapat di­to ang golden buzzer.

Marami sa mga AGT superfans ang nag-react at nagreklamo na kay Mar­ce­lito dapat ibinigay ang gol­­den buzzer at ‘di sa piniling gru­po ni Simon.

Nang makausap namin at hi­ngin ang reaksiyon ni Marcelito tungkol dito last Sunday sa set ng ASAP Na­tin ‘To, ayon sa PGT grand champion, kahit ano’ng pi­lit natin sa ating ka­gus­tuhan, ang masusunod pa rin ay desisyon ng mga hurado.

Para kay Marcelito, kahit ‘di si­ya makaabot sa grand finals, ma­sa­ya na siya dahil isa nang mala­king karangalan ang makapasok sa semi-finals at makalaban ang iba’t ibang mga itinanghal na champions ng naturang talent search show sa buong mundo.

Ikinuwento rin sa amin ni Marcelito na mismong mga taga-AGT ang ku­mon­tak sa kanilang mag-asawa kung saan ang kanyang wife na si Joan ang unang nakausap ng mga ito.

Aniya, sobrang kaba at pressure niya bago at sa mismong performance niya. Akala rin ng singer ay nagkasakit siya sa puso dahil sa sobrang kabog ng dibdib kaya nagpatingin si­ya sa doktor para makasigurado sa kalagayan.

Labis-labis ang pasasalamat ni Marcelito sa ABS-CBN at sa show na PGT at hanggang ngayon ay ‘di siya ma­kapaniwalang nabago ang buhay niya dahil di­to. Mula sa pagiging isang simpleng construction wor­­ker ay na­rating niya ang mga pang

arap.

Thankful din ang PGT grand champion sa la­hat ng mga Pilipino na nagtiwala sa kanya at si­yempre, sa wife na si Joan na kumu­kum­binse palagi na ipagpatuloy niya ang pag­kanta dahil lagi itong nakasuporta sa kanya.

Biro sa amin ni Marcelito ay binig­yan pa niya ng trabaho ang asawa. Si Joan kasi ang naging interpreter niya sa mga nag-i­in­ter­byu sa kan­ya dahil na­ka­kain­tindi at na­ka­­ka­sagot agad ito sa Ingles. Alam ni­yang kaila­ngan pa niyang ma­hasa nang hus­to sa Ingles. Ki­na­­ka­bahan daw si Mar­celito at pa­­min­san-min­san ay name-mental block sa mga tanong sa kanya.