‘Wag gamitin — DOH.. Bra na face mask, nakakamatay
Madel Moratillo
Jan 18, 2020
1 min read
Nilinaw ni Health Sec. Francisco Duque III na hindi maaaring gamitin ang bra bilang pamalit sa face mask lalo na kung may ash- fall.
Paliwanag ni Duque, walang porous ang bra kaya hindi ka makakahinga rito.
Kasabay nito, iginiit ni Duque na hindi posisyon ng DOH na puwedeng maging alternatibong face mask ang bra at personal na opinyon lang ito ng isa sa kanilang assistant secretary.
Binigyan-diin ng kalihim na ang maaaring maging alternatibo o pamalit kung walang face mask ay panyo o bimpo at basain ito bago ipantakip sa ilong.
Matatandaang, sa nakaraang briefing sa Malacañang, una nang sinabi ni DOH Asec. Francia Laxamana na maaaring gamiting pamalit sa face mask ang mga bra, panty at diaper.
Comments