Duda sa BF na magloko ulit dahil nasa bagong environment

Dear Roma, Ako si Shannen, 24-anyos, nagwo-work na ako sa call center. Sumangguni ako sa inyo dahil nagkaroon na ng work ang boyfriend ko kaya naman natatakot ako na baka maulit ang nangyari sa aming nakaraan na maghanap na naman siya ng iba dahil iba na naman ang environment niya. Ano ang dapat kong gawin? – Shannen

Shannen, Naku, mahirap nga ‘yan, pero hindi kita masisisi kung nangangamba ka na baka lokohin ka ulit ng boyfriend mo dahil naloko ka na niya noon. Ngunit, tingnan mo muna kung ano ang mangyayari sa inyong relasyon at ‘wag mo itong pangunahan para maging panatag ang loob mo. Kung maulit man ‘yun, ikaw na ang bahalang magdesisyon kung ipagpapatuloy mo pa ang inyong relasyon o hindi. Good luck and God bless!