Mga estudyante suki.. Sir tulak, kulong

Isang high school teacher ang inaresto kamakalawa ng hapon sa Laoag City, Ilocos Norte.

Kinilala ang nadakip na si ‘Jefrey’, may asawa, naninirahan din sa nasabing lugar.

Ayon sa imbestigasyon, nadakip ang suspek nang magsagawa ang mga ito ng buy-bust operation.

Habang nagtuturo ang suspek, isang nagpanggap na buyer ang bumili sa guro gamit ang marked money na agad naman umanong pinagbentahan ng suspek.

Matagal na umanong sinusubaybayan ng mga alagad ng batas ang suspek sa pagbebenta ng ipinagbabawal na gamot maging sa mga estudyante.